ഐ.ടി.ഐ

പട്ടികജാതി വികസന വകുപ്പിന് കീഴിൽ വിവിധ ജില്ലകളിലുളള 44 ഐ റ്റി ഐകളിലായി NCVT അംഗീകാരമുളള ഇലക്ട്രീഷ്യൻ, ഇലക്ട്രോണിക്സ് മെക്കാനിക്, ഡ്രാഫ്റ്റ്സ്മാൻ സിവിൽ, മെക്കാനിക് മോട്ടോർ വെഹിക്കൾ, പെയിൻ്റർ (ജനറൽ), പ്ലംബർ, വുഡ് വർക്ക് ടെക്നീഷ്യൻ, സ്വീയിംഗ് ടെക്നോളജി, വെൽഡർ, സർവ്വെയർ, ഡ്രൈവർ കം മെക്കാനിക് എന്നീ ട്രേഡുകളിലായി പരിശീലനം നല്കുന്നു. പ്രസ്തുത ട്രേഡുകളിൽ 80 % ത്തിൽ കുറയാത്ത ഹാജരോട് കൂടി പരിശീലനം പൂർത്തിയാക്കി അഖിലേന്ത്യാ ട്രേഡ് ടെസ്റ്റിൽ വിജയിയ്ക്കുന്നവർക്ക് പ്രൊവിഷണൽ ഉൾപ്പെടെ നാഷണൽ ട്രേഡ് സർട്ടിഫിക്കേറ്റ് ലഭിയ്ക്കുന്നു. തെരെഞ്ഞെടുക്കപ്പെടുന്ന പരിശീലനാർത്ഥികൾക്ക് ഫീസ് സൌജന്യമാണ്. പട്ടികജാതി വിഭാഗത്തിലെ പരിശീലനാർത്ഥികൾക്ക് ഒന്നാം വർഷം 1000 രൂപ നിരക്കിലും, രണ്ടാം വർഷം 800 രൂപ നിരക്കിലും ലംപ്സം ഗ്രാന്റും, 800 രൂപ പ്രതിമാസ സ്റ്റൈപൻ്റം കൂടാതെ എല്ലാ പരിശീലനാർത്ഥികൾക്കും 900 രൂപ് യൂണിഫോം അലവൻസും, സ്റ്റഡി ടൂർ അലവൻസായി 3000 രൂപയും ഉച്ചഭക്ഷണവും പോഷകാഹാരവും ലഭിയ്ക്കുന്നു.

തിരുവനന്തപുരം ജില്ല മുതൽ എറണാകുളം വരെയുള്ള 21 ഐ റ്റി ഐകൾ ദക്ഷിണമേഖല ട്രെയിനിംഗ് ഇൻസ്പെക്ടറുടെ നിയന്ത്രണത്തിലും, തൃശ്ശൂർ മുതൽ കോഴക്കോട് വരെയുളള 23 ഐ റ്റി ഐകൾ ഉത്തരമേഖല ട്രെയിനിംഗ് ഇൻസ്പെക്ടറുടെ നിയന്ത്രണത്തിലുമാണ് പ്രവർത്തിയ്ക്കുന്നത്. രാവിലെ 7.50 മുതൽ വൈകുന്നേരം 3 മണി വരെയും, 10 മണി മുതൽ 5 മണി വരെയുള്ള രണ്ട് ഷിറ്റുകളായിട്ടാണ് ഐ റ്റി ഐകൾ പ്രവർ ത്തിയ്ക്കുന്നത്. വിജയകരമായി പരിശീലനം പൂർത്തീകരിയ്ക്കുന്ന പട്ടികജാതി വിഭാഗത്തിലെ പരിശീലനാർത്ഥികൾക്ക് സ്വയം തൊഴിൽ കണ്ടെത്തുന്നതിന് ടൂൾ കിറ്റ് വാങ്ങുന്നതിന് നിശ്ചിത തുക ധനസഹായവും നല്കുന്നു. ദക്ഷിണമേഖലയിലെ മരിയാപുരം, പന്തളം, കുറിച്ചി, ഓച്ചിറ, ഐക്കാട് ഉത്തരമേഖലയിലെ മംഗലം, എങ്കക്കാട്, മാടായി എന്നീ ഐ റ്റി ഐകൾ MRITI കളായി പ്രവർ ത്തിയ്ക്കുന്നു. പൊതുസ്വകാര്യ പങ്കാളിത്തത്തോടെ ഐ റ്റി ഐകളുടെ നിലവാരമുയർത്തുന്ന കേന്ദ്രാവിഷ്കൃത പദ്ധതിയായ പി പി പി പദ്ധതി വകുപ്പിൻ്റെ ഐ റ്റി ഐകളിൽ നടപ്പിലാക്കിയിട്ടുണ്ട്. പ്രസ്തുത പദ്ധതിയിൽ മരിയാപുരം, പന്തളം, മംഗലം, എലത്തൂർ എന്നീ ഐ റ്റി ഐകൾ ഉൾപ്പെടുന്നു.

Contacts :

ITI Admission

80 % സീറ്റുകളിലും പട്ടികജാതി വിഭാഗത്തിൽ നിന്നുളള പരിശീലനാർത്ഥികൾക്കാണ് പ്രവേശനം നല്കുന്നത്. 10 % പട്ടിക വർഗ്ഗ വിഭാഗത്തിൽ നിന്നുള്ള പരിശീലനാർത്ഥികൾക്കം, 10 % പട്ടികജാതി പട്ടികവർഗ്ഗം ഒഴിച്ചുള്ള വിഭാഗത്തിൽപ്പെട്ട അപേക്ഷകർക്കുമായി സംവരണം ചെയ്തിരിയ്ക്കുന്നു. SSLC വിജയിച്ചവർക്കും, പരാജയപ്പെട്ടവർക്കും തത്തുല്ല്യ യോഗ്യതയുളളവർക്കും തെരെഞ്ഞെടുക്കാവുന്ന ട്രേഡുകളാണ് നിലവിലുള്ളത്. SSLC പരീക്ഷയ്ക്ക് ഇംഗ്ലീഷ്, കണക്ക്, ഫിസിക്സ്, കെമിസ്ട്രി എന്നീ വിഷയങ്ങൾക്ക് ലഭിച്ച മാർക്കിൻ്റെ അടിസ്ഥാനത്തിലാണ് തെരെഞ്ഞെടുപ്പ് നടത്തുന്നത്. ഉയർന്ന വിദ്യാഭ്യാസ യോഗ്യതയുളളവർക്ക് ഗ്രേസ് മാർക്ക് നല്കുന്നതാണ്. മെട്രിക് ട്രേഡുകൾക്ക് അപേക്ഷിയ്ക്കുന്നതിനുള്ള മിനിമം യോഗ്യത SSLC യാണ്. നോൺ മെട്രിക് ട്രേഡുകൾക്ക് മാത്രമേ SSLC പരാജയപ്പെട്ടവരെ പരിഗണിയ്ക്കുകയുളളു. പ്രൈവറ്റായി പരീക്ഷ എഴുതി തോറ്റവർക്ക് പ്രവേശനത്തിന് അർഹതയുണ്ടായിരിയ്ക്കുകയില്ല.

Apply Online