വിദ്യാഭ്യാസ പ്രോത്സാഹന പദ്ധതികൾ

(a) പ്രത്യേക പ്രോത്സാഹന സമ്മാന പദ്ധതി

വിവിധ പരീക്ഷകൾക്ക് ഉയർന്ന മാർക്ക് വാങ്ങി പാസാകുന്ന പട്ടികജാതി വിദ്യാർത്ഥികൾക്ക് പ്രത്യേക പ്രോത്സാഹനമായി ക്യാഷ് അവാർഡ് നൽകുന്ന പ്രത്യേക പ്രോത്സാഹന സമ്മാന പദ്ധതി ചുവടെ ചേർക്കുന്ന നിരക്കുകൾ പ്രകാരം അനുവദിച്ച വരുന്നു.

(b)ശ്രീ അയ്യങ്കാളി മെമ്മോറിയൽ ടാലന്റ് സെർച്ച് ആന്റ് ഡെവലപ്മെന്റ് സ്കോളർഷിപ്പ് പദ്ധതി

പഠന പാഠ്യേതര പ്രവർത്തനങ്ങളിൽ തൽപരരായവരും എന്നാൽ കുടുംബപരവും സാമ്പത്തികമായുമുള്ള പിന്നാക്കാവസ്ഥ കാരണം മികവ് പ്രകടിപ്പിക്കുവാൻ കഴിയാത്തവരുമായ  പട്ടികജാതി വിദ്യാർത്ഥികൾക്ക്   പഠനപ്രവർത്തനങ്ങൾ മെച്ചപ്പെടുത്തുന്നതിനാവശ്യമായ സഹായം നൽകുക എന്ന ലക്ഷ്യത്തോടെ ആവിഷ്കരിച്ച നടപ്പിലാക്കി വരുന്ന പദ്ധതിയാണ് ശ്രീ അയ്യങ്കാളി മെമ്മോറിയൽ ടാലന്റ് സെർച്ച് ആന്റ് ഡെവലപ്മെന്റ്റ് സ്കോളർഷിപ്പ് പദ്ധതി. പദ്ധതിയുടെ നിരക്കുകൾ ചുവടെ ചേർക്കുന്നു.

5 to 7-Rs. 5000/-
8 to 10 Rs. 5500/-
(പ്രതിവർഷം)

(c)പഠനയാത്ര പര്യടനപരിപാടി

സംസ്ഥാനത്ത് ഹയർ സെക്കൻ്ററി, ബിരുദം, ബിരുദാനന്തര ബിരുദം, പ്രൊഫഷണൽ കോഴ്സുകൾ എന്നിവ ഉള്ള വിദ്യാഭ്യാസ സ്ഥാപനങ്ങൾ സംഘടിപ്പിക്കുന്ന പഠനയാത്രയിൽ പങ്കെടുക്കുന്ന പട്ടികജാതി വിഭാഗം വിദ്യാർത്ഥികൾക്കുള്ള പരമാവധി ചെലവ് 4,000 രൂപയായി നിജപ്പെടുത്തി, സ്ഥാപന മേധാവി സാക്ഷ്യപ്പെടുത്തുന്നത് പ്രകാരം ജില്ലാ പട്ടികജാതി വികസന ഓഫീസിൽ നിന്നും തുക അനുവദിക്കുന്നു.

(d)സ്റ്റെതസ്കോപ്പ് വിതരണം

1-ാം വർഷ എം.ബി.ബി.എസ്, ബി.ഡി.എസ് വിദ്യാർത്ഥികൾക്ക് സ്റ്റെതസ്കോപ്പ് വാങ്ങുന്നതിന് ധനസഹായമായി 5,800/- രൂപ നൽകുന്നു. അപേക്ഷ സ്ഥാപനമേധാവി മുഖേന അതത് ജില്ലാ പട്ടികജാതി വികസന ആഫീസിൽ സമർപ്പിക്കേണ്ടതാണ്.

(e)ലാപ്ടോപ്പ് വാങ്ങുന്നതിന് ധനസഹായം

പട്ടികജാതി വികസന വകുപ്പിൽ നിന്നും വിദ്യാഭ്യാസാനുകൂല്യം നൽകുന്ന ചുവടെ ചേർത്തിട്ടുള്ള കോഴ്സുകൾക്ക് പഠിക്കുന്ന പട്ടികജാതി വിഭാഗം വിദ്യാർത്ഥികൾക്കാണ് ലാപ്ടോപ്പ് വാങ്ങുന്നതിനായി  ധനസഹായം അനുവദിക്കുന്നത്

• പോളിടെക്നിക്- ഡിപ്ലോമ ഇൻ കമ്പ്യൂട്ടർ സയൻസ്, ഡിപ്ലോമ ഇൻ കമ്പ്യൂട്ടർ എൻജിനിയറിംഗ്, ഡിപ്ലോമ ഇൻ ഇൻഫർമേഷൻ ടെക്നോളജി, ഡിപ്ലോമ ഇൻ കമ്പ്യൂട്ടർ ഹാർഡ് വെയർ മെയിൻ്റനൻസ്, ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻ ഡിപ്ലോമ ഇൻ കമ്പ്യൂട്ടർ ഹാർഡ് വെയർ എഞ്ചിനിയറിംഗ്, ഡിപ്ലോമ ഇൻ കമ്പ്യൂട്ടർ ഹാർഡ്വെയർ & നെറ്റ് വർക്കിംഗ്, ഡിപ്ലോമ ഇൻ ടെക്സ്റ്റൈൽ ടെക്നോളജി
• എം.ബി.എ, എം.സി.എ, എം.എസ്.ഡബ്ല്യ
• എം.ബി.ബി.എസ്, ബി.ഡി.എസ്, ബി.എ.എം.എസ്, ബി.എച്ച്.ച്ച്എം.എസ്, ബി വി &എസ്സി
• എം.എസ്.സി (എല്ലാ വിഷയവും)
• പി.എച്ച്.ച്ച്ഡി/എം.ഫിൽ
• ബി. ടെക്, ബി.ആർക്ക്, എം.ടെക്
• എൽ.എൽ.ബി, എൽ.എൽ.എം
• ബികോം (കമ്പ്യൂട്ടർ ആപ്ലിക്കേഷൻ / വൊക്കേഷണൽ കമ്പ്യൂട്ടർ ആപ്ലിക്കേഷൻ/കമ്പ്യൂട്ടർ സയൻസ്)
• ബി.എസ്.സി(കമ്പ്യൂട്ടർ സയൻസ്) , ബി.എസ്.സി. (ബയോടെക്നോളജി),
• ബി.എസ്.സി(ഫിഷറീസ്), ബി.എസ്.സി (ഐ.റ്റി), ബി.സി.എ
• കൊമേഴ്സ്യൽ പൈലറ്റ് ലൈസൻസ് (വിങ്സ് പദ്ധതി പ്രകാരം അഡ്മിഷൻ ആകുന്നവർക്ക്)
• ബി.എ. (അനിമേഷൻ & ഗ്രാഫിക് ഡിസൈനിംഗ്), ബി.എ (മാസ് കമ്മ്യൂണിക്കേഷൻ),ബി.എ (ട്രാവൽ & ടൂറിസം മാനേജ്മെൻ്റ്), ബാച്ചിലർ ഓഫ് മൾട്ടിമീഡിയ കമ്മ്യൂണിക്കേഷൻ, ബാച്ചിലർ ഓഫ് ടറൂറിസം സ്റ്റഡീസ്)
• ചാർട്ടേഡ് അക്കൗണ്ടൻ്ററ് - (ഇൻ്റർമീഡിയറ്റ്: ഫൈനൽ കോഴ്സ് പഠിക്കുന്നവർക്ക്.
• ഇൻസ്റ്റിറ്റ്യൂട്ട് ഓഫ് ചാർട്ടേഡ് അക്കൗണ്ടൻ്ററ്സ് ഓഫ് ഇന്ത്യയിൽ നിന്നും
• ഇന്റർമീഡിയേറ്റ്/ ഫൈനൽ കോഴ്സ് പഠിക്കുന്നുവെന്ന സർട്ടിഫിക്കറ്റ് ഹാജരാക്കുന്ന മുറയ്ക്ക്)
• കമ്പനി സെക്രട്ടറി - (എക്സിക്യൂട്ടിവ് പ്രൊഫഷണൽ പ്രോഗ്രാം പഠിക്കുന്നവർക്ക്.ഇൻസ്റ്റിറ്റ്യൂട്ട് ഓഫ് കമ്പനി സെക്രട്ടറി ഓഫ് ഇന്ത്യയിൽ നിന്നും എക്സിക്യൂട്ടിവ് പ്രൊഫഷണൽ  പ്രോഗ്രാം പഠിക്കുന്നുവെന്ന സർട്ടിഫിക്കറ്റ് ഹാജരാക്കുന്ന മുറയ്ക്ക്)
• കോസ്റ്റ് ആൻ്റ് വർക്ക്സ് അക്കൗണ്ടൻ്റ് - (ഇൻ്റർമീഡിയറ്റ്/ഫൈനൽ കോഴ്സ് പഠിക്കുന്നവർക്ക്. ഇൻസ്റ്റിറ്റ്യൂട്ട് ഓഫ് കോസ്റ്റ് അക്കൗണ്ടൻ്റൻസ് ഓഫ് ഇന്ത്യയിൽ നിന്നും ഇന്റർമീഡിയറ്റ് /ഫൈനൽ കോഴ്സ് പഠിക്കുന്നവെന്ന സർട്ടിഫിക്കറ്റ് ഹാജരാക്കുന്ന മുറയ്ക്ക്)
• ബി ടെക് റോബോട്ടിക്ക് & ആർട്ടിഫിഷ്യൽ ഇൻ്റലിജൻസ്, ബി ടെക് കംപ്യൂട്ടർ സയൻസ് & ഡിസൈൻസ്, എം ടെക് ഇലക്ട്രിക്കൽ ഡ്രൈവ്സ് ആൻറ് കൺട്രോൾ, എം ടെക് സ്ട്രക്ചറൽ എൻജിനീയറിങ്.

മാനദണ്ഡങ്ങൾ

• സർക്കാർ ഉത്തരവ് സ.ഉ(സാധ)നം.190/2024/പജപവവിവ തീയതി 16-03 -2024 പ്രകാരം ധനസഹായം അനുവദിക്കുന്നു
• കോഴ്സിന്റെ ഒന്നാം അദ്ധ്യയന വർഷത്തിൽ പഠിയ്ക്കുന്ന പട്ടികജാതി/ പട്ടികവർഗ്ഗ വിദ്യാർത്ഥികൾക്ക് മാത്രമാണ് ലാപ്ടോപ്പ് വാങ്ങുന്നതിന് സ്കോളർഷിപ്പിനു അർഹത ഉണ്ടായിരിക്കുക
• AISHE CODE/ UDISE CODE ഉള്ള ദേശീയ പ്രാധാന്യമുള്ള സ്ഥാപനങ്ങൾ (Institutions of National Importance)/സെൻട്രൽ/സ്റ്റേറ്റ്/ യു.ജി.സി അംഗീകാരമുള്ള കോളേജുകൾ,കേന്ദ്ര/സംസ്ഥാന സർക്കാർ അംഗീകാരമുള്ള ഡിപ്ലോമ കോഴ്സ് നടത്തുന്ന സ്ഥാപനങ്ങളിൽ (Diploma granting Institutions as recognised by State/Central Governments) പഠിക്കുന്ന അനുബന്ധം ആയി കൊടുത്തിട്ടുള്ള കോഴ്സുകൾ പഠിയ്ക്കുന്ന പട്ടികജാതി/ പട്ടികവർഗ്ഗ വിദ്യാർത്ഥികൾക്ക് ലാപ്ടോപ്പ് വാങ്ങുന്നതിന് സ്കോളർഷിപ്പ് ലഭിക്കുന്നതാണ്. മെറിറ്റ്/ റിസർവേഷനിൽ അഡ്മിഷൻ ലഭിക്കുന്നവരെ മാത്രമാണ് ലാപ് ടോപ്പ് വാങ്ങുന്നതിന്നുള്ള സ്കോളർഷിപ്പഠിന് പരിഗണിക്കേണ്ടത്.
• പട്ടികജാതി/ പട്ടികവർഗ്ഗ വിദ്യാർത്ഥികൾ ഇ-ഗ്രാന്റ്സ് പോർട്ടൽ മുഖേന സ്കോളർഷിപ്പ് ലഭിക്കുന്നവരായിരിക്കണം.
• വിദ്യാർത്ഥികൾക്ക് ആധാർ സീഡ് ചെയ്ത ബാങ്ക് അക്കൗണ്ട് ഉണ്ടായിരിക്കേണ്ടതാണ്.
• സ്കോളർഷിപ്പ് തുക ഇ-ഗ്രാന്റ്സ് പോർട്ടൽ/ഇ-റുപ്പി മുഖേന അനുവദിക്കറുന്നതാണ്.
• രണ്ടാം വർഷം ലാറ്ററൽ എൻട്രി വഴി അഡ്മിഷൻ ലഭിച്ച എഞ്ചിനീയറിംഗ് വിദ്യാർത്ഥികൾക്ക് ലാപ്ടോപ്പ് വാങ്ങുന്നതിന് സ്കോളർഷിപ്പ് ലഭിക്കുന്നതാണ്.
• കുടുംബ വാർഷിക വരുമാനം 5 ലക്ഷം വരെയുള്ളവർക്ക് സ്കോളർഷിപ്പ് ലഭിക്കുന്നതാണ്.
• വിദ്യാർത്ഥിക്ക് ലാപ്ടോപ്പ് വാങ്ങുന്നതിന് ഒറ്റ തവണ 30,000/- (മുപ്പതിനായിരം മാത്രം)രൂപ സ്കോളർഷിപ്പ് ലഭിക്കുന്നതാണ്.
• തദ്ദേശ സ്വയംഭരണ വകുപ്പിൽ നിന്നോ / മറ്റ് ഗവ. വകുപ് /ഏജൻസികളിൽ നിന്നോലാപ്ടോപ്പ് വാങ്ങുന്നതിന് ധനസഹായം ലഭിച്ചിട്ടുള്ളവർക്ക് ഈ സ്കോളർഷിപ്പ് ലഭിക്കുന്നതല്ല

(f)ആടയാഭരണങ്ങളും വാദ്യോപകരണങ്ങളും വാങ്ങുന്നതിന് ധനസഹായം അനുവദിക്കുന്ന പദ്ദതി 

സംസ്ഥാനത്തെ വിവിധ അംഗീകൃത കോളേജുകളിൽ നൃത്ത സംഗീത വിഷയങ്ങളിൽ ബിത ബിരുദാനന്തര കോഴ്സുകളിൽ പഠിക്കുന്ന പട്ടികജാതി വിഭാഗത്തിൽപ്പെട്ട വിദ്യാർത്ഥികൾക്ക് ആടയാഭരണങ്ങളും വാദ്യോപകരണങ്ങളും വാങ്ങുന്നതിനായി ധനസഹായം നൽകുന്ന പദ്ധതി.

• ഈ പദ്ധതി പ്രകാരം അർഹരായ എല്ലാ സംഗീത വിദ്യാർത്ഥികൾക്കും അവർ പഠിക്കുന്ന വിഷയവുമായി ബന്ധപ്പെട്ട ഏറ്റവും പ്രധാനപ്പെട്ട ഏതെങ്കിലും ഒരു വാദ്യോപകരണം വാങ്ങുന്നതിന് ചുവടെ ചേർക്കും പ്രകാരം ധനസഹായം അനുവദിക്കുന്നതാണ്.

• നൃത്ത വിദ്യാർത്ഥികൾക്ക് അടയാഭരണങ്ങൾ വാങ്ങുന്നതിന് പരമാവധി 13,100/- രൂപ അനുവദിക്കുന്നു.
• അപേക്ഷ ബന്ധപ്പെട്ട ജില്ലാ പട്ടികജ വികസന ഓഫീസർക്ക് സമർപ്പിക്കണം.

(g) എഞ്ചിനീയറിംഗ്/ മെഡിക്കൽ കോഴ്സുകൾക്ക് അഡ്മിഷൻ ലഭിച്ചവർക്ക് പ്രാരംഭ ചെലവിന് ഗ്രാൻറ്

എഞ്ചിനീയറിംഗ്/മെഡിക്കൽ കോഴ്സുകൾക്ക് പ്രവേശനം ലഭിച്ചവർക്ക് പ്രാരംഭ ചെലവുകൾക്ക് തുക അനുവദിക്കുന്നു. നിരക്ക്:

മെഡിക്കൽ - 10,000/- എഞ്ചിനീയറിംഗ്- 5,000/-

അഡ്മിഷൻ നേടിയത് സംബന്ധിച്ച രേഖ, ജാതി, വരുമാന സർട്ടിഫിക്കറ്റുകൾ സഹിതം അപേക്ഷ സ്ഥാപനമേധാവി മുഖേന അതത് ജില്ലാ പട്ടികജാതി വികസന ആഫീസിൽ ലഭ്യമാക്കേണ്ടതാണ്. വരുമാന പരിധി 1,00,000/- രൂപ.

(h) വിവിധ മത്സര പരീക്ഷകൾക്കുള്ള പരിശീലനം

പിഎസ്സി ഉൾപ്പെടെയുള്ള വിവിധ മത്സര പരീക്ഷകൾക്ക് പട്ടികജാതി വിഭാഗം ഉദ്യോഗാർത്ഥികൾക്ക് പരിശീലനം നൽകുന്നതിനായി വകുപ്പിന്റെ കീഴിലുള്ള പ്രീ-എക്സാമിനേഷൻ ട്രെയിനിങ്  സെന്ററുകൾ മുഖേന പരിശീലനം നൽകിവരുന്നു.