മറ്റ് പദ്ധതികൾ

പട്ടികജാതി വികസന വകുപ്പിലെ ആധുനികവൽക്കരണവും ഇ-ഗവേണൻസ് സംരംഭങ്ങളും (2225-01-001-94)

Scheme Code WBC 279

Budget Estimate (Rs lakh) 500

പട്ടികജാതി വികസന വകുപ്പിൻ്റെ കീഴിൽ പ്രവർത്തിക്കുന്ന എല്ലാ ഓഫീസുകളുടെയും സ്ഥാപനങ്ങളുടേയും നവീകരണത്തിന് വേണ്ടിയുള്ള പദ്ധതിയാണിത്. ഈ പദ്ധതിയുടെ ഘടകങ്ങൾ താഴെ പറയുന്നവയാണ്.

• ദേശീയ സ്ഥാപനങ്ങളിലോ ഏതെങ്കിലും അംഗീകൃത ഏജൻസികളിലോ ഉൾപ്പെടെ പട്ടികജാതി വികസന വകുപ്പിലെ ഉദ്യോഗസ്ഥർക്കും ജീവനക്കാർക്കും പരിശീലനം.
• സെമിനാറുകളും കോൺഫറൻസുകളും ശില്പശാലകളും നടത്തുന്നതിനുള്ള ചെലവുകൾ.
• കമ്പ്യൂട്ടറുകൾ, ലാപ്പ്ടോപ്പുകൾ, പ്രിൻ്ററുകൾ, ഫോട്ടോകോപ്പിയർകൾ, സ്കാനറുകൾ, വോയിസ് റെക്കോർഡർ, എൽസിഡി പ്രൊജക്ടർ, ഇൻ്ററാക്ടീവ് പാനലുകൾ എന്നിവ വാങ്ങുക, പഴയ കമ്പ്യൂട്ടറുകൾ മാറ്റി സ്ഥാപിക്കൽ, വകുപ്പിന്റെ കീഴിലുള്ള ഓഫീസുകളെയും സ്ഥാപനങ്ങളെയും ബന്ധിപ്പിക്കുന്നതിന് LAN സൗകര്യവും വീഡിയോ കോൺഫറൻസ് സൗകര്യങ്ങളും സജ്ജമാക്കുക.
• വെബ്സൈറ്റിന്റേയും. വിവര സാങ്കേതിക വിദ്യയുമായി ബന്ധപ്പെട്ട സേവനങ്ങളുടെയും വികസനവും നവീകരണവും, ഇ ഓഫീസ് സ്ഥാപിക്കൽ, വെബ് സൈറ്റ് മെയിന്റനൻസ്, എ.എം.സി ചാർജ്ജുകൾ, ഡയറക്ടറേറ്റിലേയും ജില്ലാ ഓഫീസുകളിലേയും ഇന്റർനെറ്റ് ചാർജ്ജുകൾ, പട്ടികജാതി വികസന വകുപ്പ് നേരിട്ടു നടത്തുന്ന വിദ്യാഭ്യാസ സ്ഥാപനങ്ങളിലും ഐ.റ്റി.ഐ.കളിലും സ്മാർട്ട് ക്ലാസ്സുമുറികളും ലൈബ്രറിയും സ്ഥാപിക്കൽ.
• എല്ലാ വിഭാഗം ഗുണഭോക്താക്കൾക്കും നേരിട്ട് പണം കൈമാറ്റം ചെയ്യുന്നതിനുള്ള ഇ-ഗവേണൻസ് സംരംഭങ്ങൾ നടപ്പിലാക്കുന്നതിനുള്ള സോഫ്റ്റ്‌വെയർ വികസിപ്പിക്കൽ, ടെക്നിക്കൽ അസിസ്റ്റൻ്റ്മാർക്കുള്ള ഓണറേറിയം. ഇ-പ്രൊക്യൂർമെൻ്റ്, ജീവനക്കാർക്കുള്ള ഐഡി കാർഡുകൾ മുതലായവ.
• വകുപ്പ് നടപ്പിലാക്കുന്ന വിവിധ പദ്ധതികൾക്ക് ആവശ്യമായ അപേക്ഷാ ഫോമുകളുടെയും രജിസ്റ്ററുകളുടെയും വിതരണം, പരസ്യചാർജുകൾ, വകുപ്പിന് കീഴിലുള്ള പരിപാടികളുടെ പ്രചരണവുമായി ബന്ധപ്പെട്ട എല്ലാ ചെലവുകളും.
• പോസ്റ്ററുകൾ, ഗൈഡുകൾ, ബുക്ക് ലെറ്റുകൾ, ജേർണലുകൾ, പടവുകൾ പോലെയുള്ള വകുപ്പിലെ പ്രസിദ്ധീകരണങ്ങളുടെ അച്ചടി, വകുപ്പിൻ്റെ വികസനഗൈഡ്, ലഘുലേഖകൾ എന്നിവയുടെ അച്ചടിയും, പദ്ധതികളുടെയും പ്രധാന സംഭവങ്ങളുടെയും ഡോക്യുമെന്റേഷനും, പട്ടികജാതിക്കാരുടെ തെരഞ്ഞെടുത്ത സാഹിത്യ കൃതികളുടെ പ്രസിദ്ധീകരണവും.
• പദ്ധതികളുടെ മോണിറ്ററിംഗ് നടത്തുന്നതിനായി ഫീല്‌ഡ് തലത്തിലുള്ള ഉദ്യോഗസ്ഥർക്ക് സർക്കാർ മാനദണ്ഡത്തിന് വിധേയമായി വഹനങ്ങൾ വാടകയ്ക്ക് എടുക്കുക.
• ഡിജിറ്റൽ രീതിയിൽ പട്ടികജാതി സർവ്വെ പുതുക്കുക.
• വിവര വിദ്യാഭ്യാസ വിനിമയ പരിപാടികൾ.
• പട്ടികജാതി വികസനത്തിനായി പട്ടികജാതി വികസന വകുപ്പും പ്രാദേശിക സർക്കാരുകളും ഏറ്റെടുത്ത് നടപ്പിലാക്കുന്ന പദ്ധതികളുടെ അവലോകനം, മോണിറ്ററിംഗ് എന്നിവയുമായി ബന്ധപ്പെട്ട ചെലവുകൾ.
• തദ്ദേശ സ്വയംഭരണ സ്ഥപനങ്ങൾ നടപ്പിലാക്കുന്ന പട്ടികജാതി ഉപപദ്ധതികളുടേതുൾപ്പെടെയുള്ള പദ്ധതികളുടെ കാര്യക്ഷമമായ മോണിറ്ററിംഗിനായി വിവര സാങ്കേതിക വിദ്യയിൽ അധിഷ്ഠിതമായ ഒരു എം.ഐ.എസ് സ്സോഫ്റ്റ് വെയർ യൂണിറ്റ് ഉപയോഗിച്ചുകൊണ്ട് ഡയറക്ടറേറ്റിലെ പ്ലാനിംഗ് ആൻഡ് മോണിറ്ററിംഗ് സെൽ ശക്തിപ്പെടുത്തുക.
• ഫീൽഡ് തലത്തിലുള്ള ഉദ്യോഗസ്ഥർക്ക് സർക്കാർ മാനദണ്ഡപ്രകാരം ക്ലോസ്‌ഡ് യൂസർ ഗ്രൂപ്പ് മൊബൈൽ കണക്ഷൻ.
• നന്ദാവനത്തുള്ള ഡയറക്ടറേറ്റ് കെട്ടിടത്തിൽ അധിക സൗകര്യങ്ങൾ, ഡയറക്ടറേറ്റിലും, പട്ടികജാതി വികസന വകുപ്പിനു കീഴിലുള്ള എല്ലാ ഓഫീസുകളിലും സ്ഥാപനങ്ങളിലും കമ്പ്യൂട്ടർവത്ക്കരണവും അടിസ്ഥാന സൗകര്യ വികസനവും
• പുതിയ ഡയറക്ടറേറ്റ് കെട്ടിടത്തിന്റെയും ഡോ. അംബേദ്‌കർ ഭവനത്തിന്റെയും പൂർത്തിയാക്കാത്ത പ്രവൃത്തികളും പരിപാലനവും.
• വകുപ്പിന്റെ ഡിജിറ്റലൈസേഷനും ഓട്ടോമേഷനും.
• ഡയറക്ടറേറ്റിലും ജില്ലാ-ബ്ലോക്ക് തല ഓഫീസുകളിലും ഇ-ഓഫീസ് സൌകര്യങ്ങൾ വ്യാപിപ്പിക്കുകയും വകുപ്പിൻ്റെ ഡിജിറ്റലൈസേഷൻ്റെ ഭാഗമായി നിലവിലുള്ള സർക്കാർ മാനദണ്ഡങ്ങൾക്കനുസരിച്ച് ടാബ് നൽകലും.
• കേന്ദ്ര-സംസ്ഥാന സർക്കാരുകളുടെ പ്രശസ്തമായ അക്കാദമിക്, ടെക്നിക്കൽ സ്ഥാപനങ്ങൾ/ ഏജൻസികൾ മുഖേന വകുപ്പിൻ്റെ പ്രധാനപ്പെട്ടതും പുതിയതുമായ വികസന പദ്ധതികൾക്കായി ഡി.പി.ആർ തയ്യാറാക്കുന്നതിനുള്ള കൺസൾട്ടൻസി സേവനങ്ങൾക്കുള്ള ചെലവുകൾ.
• ടെക്നിക്കൽ അസിസ്റ്റൻ്റ്/സപ്പോർട്ടിംഗ് എഞ്ചിനീയർമാർക്കുള്ള ഓണറേറിയം
• പ്ലാനിംഗ് ആൻഡ് മോണിറ്ററിംഗ് വിഭാഗത്തിന് കീഴിൽ എസ്.സി. ഡയറക്ടറേറ്റിൽ ഐ.ടി സെല്ലിന്റെ രൂപീകരണവും നടത്തിപ്പ് ചെലവുകളും മറ്റ് അനുബന്ധ ചെലവുകളും.
• പട്ടികജാതി വിദ്യാർത്ഥികൾക്ക് ഇന്ത്യയിലും വിദേശത്തുമുള്ള ഉപരിപഠന സാധ്യതകളെക്കുറിച്ചും, തൊഴിൽ സാധ്യതകളെക്കുറിച്ചും വിവരങ്ങൾ നൽകുന്നതിനായുള്ള ഹാൻഡ് ഹോൽഡിങ് സെല്ലിന്റെ പ്രവർത്തനം.
• വകുപ്പിന് കീഴിലുള്ള എല്ലാ ഓഫീസുകളിലെയും സ്ഥാപനങ്ങളിലെയും കമ്പ്യൂട്ടറുകൾ, ലാപ്ടോപ്പുകൾ, പ്രിൻ്ററുകൾ, ഫോട്ടോകോപ്പിയറുകൾ, ടോണർ/റീഫിൽ, LAN എന്നിവയുടെയും മറ്റെല്ലാ ഇലക്ട്രിക്കൽ, ഇലക്ട്രോണിക് ഉപകരണങ്ങളുടെയും റിപ്പയർ, മെയിൻ്റനൻസ് ചാർജ്.
• പ്ലാൻ സ്കീമുകളുടെ നടത്തിപ്പിനായി എസ്.സി ഡയറക്ടറേറ്റിൽ ടോൾ ഫ്രീ കോൾ സെന്റർ/പരാതി പരിഹാര സെൽ സ്ഥാപിക്കൽ
• കേരളത്തിലെ 30.39 ലക്ഷം പട്ടികജാതിക്കാരെയും 26,342 പട്ടികജാതി കോളനികളെയും ഉൾക്കൊള്ളുന്ന ആൻഡ്രോയിഡ് അധിഷ്ഠിത സാമൂഹിക-സാമ്പത്തിക സാധ്യമാക്കുന്നതിന് ഡയറക്ടറേറ്റ് തലത്തിൽ ഡാറ്റാ ബാങ്ക് സ്ഥാപിക്കുക.
• സർവേ ഡോക്യുമെന്റേഷൻ, സെമിനാറുകൾ, പ്രഭാഷണങ്ങൾ, സർവേകൾ, മേളകൾ, പഠനങ്ങൾ, പരിശീലനം. റിപ്പോർട്ടുകളുടെയും രേഖകളുടെയും തയ്യാറാക്കലും പ്രസിദ്ധീകരണവും, എക്സിബിഷനുകൾ, വർക്ക്ഷോപ്പുകൾ, തൊഴിൽ മേളകൾ, മറ്റ് വിവിധ പ്രവർത്തനങ്ങൾ.
• ഡയറക്ടറേറ്റിൽ ലൈബ്രറി സ്ഥാപിക്കൽ, ഓൺലൈൻ ഡാറ്റാ ബേസ്/ഓൺലൈൻ ജേർണലുകൾ/ സ്ഥാപന അംഗത്വം എന്നിവയുടെ സബ്സ്ക്രിപ്ഷൻ, ജേണലുകൾ/ പുസ്തകങ്ങൾ/ പത്രങ്ങൾ/ഇ-ബുക്കുകൾ, മാനവശേഷി പിന്തുണ.
• ജില്ലാ ഓഫീസുകൾക്കായി വാഹനം വാടകയ്ക്കെടുക്കൽ.
• പട്ടികജാതി വികസന വകുപ്പിന് കീഴിലുള്ള മികച്ച സ്ഥാപനത്തിനും ഓഫീസർമാർക്കും ഓഫീസുകൾക്കുമുള്ള അവാർഡുകൾ
• മികച്ച പട്ടികജാതി സംരംഭകർക്കുള്ള പ്രത്യേക അവാർഡ്.
• ഓഫീസർമാർക്കുള്ള കാര്യക്ഷമത പരിപോഷണ പരിപാടികൾ, പരിശീലനവും എക്സ്പോഷർ സന്ദർശനങ്ങളും (ദേശീയവും അന്തർദേശീയവും ഉൾപ്പെടെ).
• ആർട്ട് എക്സിബിഷനുകളും വിദേശ ഭാഷാ പഠന പരിപാടികളും നടത്തുന്നതിനുള്ള ചെലവുകൾ.
• പൊതുമേഖലാ സ്ഥാപനങ്ങളിലെ ഇൻ്റേൺഷിപ്പ് പ്രോഗ്രാമുകൾ.
• ദേശീയ/അന്തർദേശീയ കായിക മത്സരങ്ങളിൽ പങ്കെടുക്കുന്നതിനുള്ള ചെലവുകൾ.
• ഡിജിറ്റൽ സാക്ഷരത കൈവരിക്കുന്നതിനുള്ള ചെലവുകൾ.

പ്രസ്തുത പദ്ധതിയ്ക്കായി 2024-25 വർഷത്തിൽ 500.00 ലക്ഷം രൂപ വകയിരുത്തിയിരിക്കുന്നു

Share